KPA: Posibel 6 persona indocumenta lo a subi tera na West Punt

PALM BEACH – Tin posibel 6 persona indocumenta cu a subi tera na altura di Lighthouse na Westpunt. Vocero di polis, Liliana Rasmijn, a raporta cu awe diamars merdia 1:38 Central di Polis a haya notificacion door di AC (Alarm Centrale) cu nan a haya un yamada, cu lo a wak 6 persona tur muha na altura di lighthouse. Di biaha a despacha unidad di polis, pa asina controla. Polis a bin encontra na e trapi di Light House 6 tas ainda muha. Sospecho ta cu lo por ta trata di ilegal. Ta asina cu mas unidad a yega na e sitio y a cuminsa cu un buskeda den e area menciona. Tambe a lanta e helicopter di polis, pa asina asisti cu e buskeda. Te cu awo no a encontra cu ningun persona ni a haci ningun detencion. A confisca e tasnan y hiba nan warda di polis. Patruya di Noord y Strand lo keda controla den e area aki.