Aruba Bank: Cumpra bo auto awor y cuminsa paga na Maart 2020

Posted on 08/20/2019 11:32 am AST | Updated on 08/20/2019 11:33 am AST

(ADVERTORIAL)  

ORANJESTAD - Durante un conferencia di prensa Aruba Bank a lansa su campaña anual di benta di auto, e campaña cu tur hende interesa den un auto nobo ta warda p’e. E campaña aki ta esun di mas grandi di Aruba “MegaHUNTER Car Sale” y e aña aki den su celebracion di 15 aniversario. For di awe mes por bishita www.megacar.aw of pasa na bo car of motorcycle dealer di preferencia, pa selecciona y aplica pa bo auto, y cuminsa paga na Maart 2020.

Ariba www.megacar.aw tin diferente opcion special pa yuda bo:

•          MegaChat cu representante disponibel di dialuna pa diabierna entre 8’or di mainta pa 8’or di anochi;

•          Guia pa yuda bo scoge e modelo di auto cu ta fit den bo budget y calcula e pago mensual durante periodo di prestamo;

•          Aplica online ta facil y lihe! Unabes cu bo a scoge bo auto desea, por aplica online riba www.megacar.aw;

•          Informacion di e MegaHUNTER Car Rally, cual lo tuma luga riba diasabra 24 di Augustus, 31 di Augustus y 7 di September 2019 entre 9’or di mainta cu 12’or di merdia! 

Ademas di esaki diasabra, 7 di September 2019 tambe lo tin oportunidad pa aplica durante e MegaHUNTER event cu on-the-spot approval na bo car of motorcycle dealer di preferencia. Representantenan di banco lo t’ey pa tuma bo aplicacion y duna pre aprobacion cuminsando for di 9’or di mainta pa 1’or di merdia. 

Cumpra bo auto of motorcycle cu un prestamo di Aruba Bank, cu “0” downpayment y un termino di pago cu por bay te cu 7 aña dependiendo di e suma di e vehiculo. Tur esaki combina cu un interes atractivo di solamente 6,5% (interes efectivo ta varia entre 6.60% - 6.70%). Durante e periodo indica e cliente tin e opcion pa cumpra awor y cuminsa paga na Maart 2020. Tin posibilidad tambe di ricibi descuento ariba seguro di auto.

Pa participa na e MegaHUNTER Car Rally ta facil y ta wordo splica den 4 stap:  

1.        Bay na www.megacar.aw for di bo Smartphone, click ariba e “Start Car Rally” pa inicia bo participacion na e MegaHUNTER Car Rally door di crea bo profiel di participacion. Tur informacion di e Car Rally y con abo por participa, ta publica ariba e website. Tur profiel por participa te cu un maximo di 3 localidad. 

Tur hende por participa. Rekisitonan pa participa ta, cu bo tin un Smartphone cu “GPS enabled” y “Internet data”, pa asina bo por sigui e hint, post un selfie cu e “MegaHUNTER digital frame”, y por ultimo mester completa un quiz (pa 50 punto).

2.        Pa activa e prome Car Rally Hint, ariba e diasabra, bishita Aruba Bank Camacuri, pasa dilanti di e edificio, y bo prome hint pa e Car Rally lo aparece riba bo Smartphone. Unabes bo ta riba e caminda pa yega e punto di destinacion, 1000 meter prome cu yega e punto aki, e GPS lo activa y lo cuminsa guia bo pa yega e punto final.

3.        Pa acumula punto. Ora bo ta asercando e obheto final, na 15 meter serca, bo lo wak un ‘MegaHUNTER digital frame” ariba pantaya di bo Smartphone. Saca un potret, cu e obheto den back-ground, y post esaki ariba bo Facebook Timeline. Si bo cumpli cu esaki, bo lo cumpli pa 50% cu e meta pa logra e premio. Unabes cu post e selfie, lo aparece un quiz di multiple choice. Contesta e quiz corectamente, y bo ta logra e meta pa e localidad aki, y automaticamente bo ta cualifica pa un premio. 

4.        Premionan fabuloso! En conexion cu nos ta celebra MEGA su 15 aniversario, lo tin hopi premionan pa tur participante di e MegaHUNTER Car Rally. Cu cada meta cu a logra na cada localidad, e participante ta cualifica pa un premio. Tur participante por cualifica pa un maximo di 3 premio.

BONUS: Cu un total di 3 localidad logra di e MegaHUNTER Car Rally, y si bo MEGA Car Loan ta aproba, automaticamente bo ta participa pa gana un premio mas grandi. 

BIG PRIZE 1 lo ta 1 aña di bo seguro di auto paga (na un balor maximo di AWG 3,500.-), y 0,5% di descuento ariba bo interes di e new MEGA car loan. 

BIG PRIZE 2 lo ta un Gasoline voucher di AWG 500.-, nummer plaat pa aña 2020 full paga, y skip 1 luna di bo pago di bo car loan di bo auto nobo! E ganadonan aki lo wordo anuncia durante e siman di 23 di September. 

Pa mas informacion di Aruba Bank su rate special pa Platinum Banking y Corporate Banking, tuma contacto cu bo Account Manager. Bishita www.megacar.aw pa tur informacion di e campaña di MegaHUNTER y tambe di e MegaHUNTER Car Rally. Sigui nos ariba nos Facebook page: https://www.facebook.com/Arubabank/ y Instagram @Aruba Bank N.V. pa keda bon informa.

  • Powered by SETAR