• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Van Dishoeck: Ta sindicato a haci ‘desordo’ cu mariniernan ta carga arma

ORANJESTAD – E incidente algun tempo pasa, unda a crea comocion pasobra e Mariniernan na Aruba ta(bata) carga arma durante un entrada hudicial, ta ‘simplemente un mal entendimento’. Asina e ex comandante di Marinierskazerne na Savaneta, Timon van Dishoeck a bisa recientemente den e programa Noticiacla LIVE. “Un sindicato (SPA) a haci desordo riba algo, cu pa añanan tabata normal” van Dischoek a bisa. E ta referi na e hecho, cu ta normal cu e mariniernan, ora cu nan ta riba caya y ta yuda e.o. polis, ta cana arma.

ALGO NORMAL

Y cu normal, e ex comandante ta referi na e hecho, cu pa tres aña caba (durante su periodo cu e ta comandante), e mariniernan ta duna sosten na trabou di e.o. polis riba e mesun manera. “Tur loke cu nos a haci pa Aruba, riba tereno di seguridad, sosten cu e investigacionnan, a tuma lugar di e mesun manera. Nos ta sali semper arma for di e porta (di Kazerne), pa defensa propio. No pa tira ladron mata (p.e.), pasobra esey ta tarea di polis” van Dishoeck a sigui bisa. “Pero si tin algo, mi kier pa mi militarnan por defende nan mes”. Mas leu ainda, pa ley, segun e ex comandante, e mariniernan ta permiti legamente pa cana arma riba caya. “Tin un cierto cantidad di hende, segun ley di arma, cu por porta arma. Y e militarnan ta forma parti di e grupo aki. Nos ta pone si cu mester tin un meta (pa por carga arma)” van Dishoeck a bisa. Sea cu e marininiernan ta sali pafo y ta bay haci ehercicio di tiramento (na Vader Piet), of nan ta sali arma, pa djis haci un ehercicio otro caminda. Pero si nan ta bay asisti riba peticion di Aruba, ta manda nan arma tambe, cu municion”. 

ENTRADA HUDICIAL

Den e caso specifico aki, unda cu tabatin un polemica, tabata trata un entrada hudicial, unda cu e mariniernan mester a asisti. Na e ocasion aki, segun e ex comandante, ta tarea di polis pa sigura e area, y despues e mariniernan ta drenta e lugar. “ Y mi kier pa mi hendenan por drenta arma. Nan ta haya e reglanan di operacion (rules of engagement) , cu ta encera ki ora por tira y ki ora no y esey ta solamente pa defensa propio. “Nan ta drenta, haci nan trabou, yuda cu investigacion y ora cu nan trabou ta cla, nan ta bolbe kazerne, entrega nan arma y ta bay cas”, e ex comandante a clarifica. 

SINDICATO

En realidad e biaha aki nada no a bay robes segun van Dishoeck. “E accion a bay hopi bon. Pero un hende aparentemente lo tabatin un problema, manera mi a compronde, e sindicato (di polis) tabatin problema cu e hecho cu nos tabata cana arma eynan. Nan a bisa cu ta polis mester protega, imagina bo si algo pasa, polis, e mariniernan ta cuminsa tira…E ora mi ta pensa, wak, mi hendenan ta para por lo menos un biaha pa luna riba e lugar di tiramento (pa entrena), y ta entrena cu tur nan armanan. Un marinier ora cu e los un tiro, e mester bay mesora na un marechausee, pa haci declaracion y pasa e proceso pa wak si e tiro cu el a los, tabata hustifica of no” van Dishoeck a bisa. Mientrastanto e situacion ta resolvi, unda cu e ex comandante a bisa cu el a tene un bon combersacion cu hefe di polis y a clarifica varios asunto, pa e asunto di arma y cara tapa. Y segun van Dishoeck, e cantidad di peticion a aumenta basta despues di 2017. Esunnan cu por haci peticion pa e mariniernan duna asistencia, por bin di polis, di RST, Douane, Kustwacht, FIOD, Warda nos Costa. Tur por pidi asistencia. E peticion ta drenta via OM, cu ta atende e asunto cu Minister di Husticia y Minister Presidente y sigui pa Gobernador cu ta sigui e orden. Ta conoci cu e proceso aki a keda atendi, unda cu el a bira mas cortico y mas liher. Nota: E potret ta di archivo di noticiacla.com durante e ultimo open dag na MZK na Savaneta.