MEP: Sue Ann Ras ta retira di Parlamento entrante aña parlamentario nobo

ORANJESTAD - Parlamentario Sue Ann Ras definitivamente ta retira di Parlamento. ASina e partido MEP a informa dialuna merdia. Partido MEP a haci un apelacion riba Sue Ann pa reconsidera, pero SueAnn ta keda na su decision, en bista cu pa SueAnn ta e miho forma di procede den e funcion cu e tin. 

Riba peticion di partido Sue Ann lo keda den Parlamento te cambio di aña parlamentario dia 10 di september, pa asina e reunionnan den Parlamento por continua y pa duna partido espacio pa regla e sucesion. 

Partido a haci un apelacion riba Sue Ann pa sigui yuda Gobierno cu e trabounan riba tereno social y di enseñansa y ta spera cu SueAnn por considera esey.

Partido MEP ta gradici Parlamentario Sue Ann Ras pa e trabou cu el a haci durante su temporada como Parlamentario pa Fraccion di MEP y pa Partido MEP y ta dese’e tur exito.