Polis ta raporta morto no natural di dama

ORANJESTAD - Diasabra atardi pa 5:27 ta notifica Central di Polis cu un dama lo mester a bira malo y sak den otro den un edificio bandona den Elleboogstraat. A manda unidad di polis y tambe ambulance. Brandweer tambe a presenta pa asina brinda asistencia. A logra stabilisa e señora y a bay cu ne, cu maximo urgencia hospital. Den e oranan di anochi ta informa Central di Polis, cu pa 9:47 e dama a fayece. Ta trata di D.H.R. naci na Aruba riba 1 di februari 1984, di un morto no natural. A pone recherche na altura, pa nan haci investigacion. Departamento di slachtofferhulp a presenta pa asisti e famia. Noticiacla.com y Cuerpo Policial ta manda palabra di condolencia na famia di e fayecido.