Segun corant Hulandes, dama Arubiano cu tabata perdi na Hulanda, a keda localisa

DEN HAAG – E dama Arubiana Mira Florez Sanabria (54) cu tabata perdi siman pasa y a wordo raporta pa su yiu muher na Leiden, a wordo localisa. E ta sano y salvo na Amsterdam. Asina e corant Hulandes Leidsch Dagblad ta raporta, citando un otro yiu muher for di Aruba. No kier bisa nada di e motibo di e ‘perdida’, y no kier a duna entrevista riba e tema. “Nos ta pidi pa tur hende respeta nos dolor”.  

E CASO

Tabata siman pasa diadomingo cu a raporta cu e ‘mama di un studiante di Aruba Gilian Boekhoudt (24) ta perdi na Hulanda’. E mama,   a sali for di cas na Leiden diasabra mainta 11’or pa bay cumpra un cellular, y nunca mas a bolbe. E mama tabata hospeda 3 luna caba cerca su yiu na  Leidse Verdistraat na Leiden-Zuidwest logeert. Segun e yiu, tin algo robez pasobra a yama e cellular di e mama y un hende a contesta mesora pero no kier a papia. Polis a pone e raportahe riba rednan social y tambe tin mas instancia conoci ta buscando e mama. Boekhoudt mes ta na Hulanda un aña studiando na Leiden y no ta papia Hulandes.