Extra medida di siguridad anuncia pa reenforsa KIA mesora

ORANJESTAD - Ministerio di Husticia diasabra a anuncia cu a pone extra medida di siguridad na KIA, entre otro; a staciona e mobile Command Center di KPA cu tin sistema adicional di camera sofistica, a pone e patruyanan di KPA adicional y light towers pa mas iluminacion. Esaki debi na e ultimo caso(nan) di huida di preso. Siman pasa 2 preso mas a huy for di e instituto y ta fugitivo. 

Dialuna lo cuminsa un proceso di ‘Request di Expression of Interest’ adicional pa haya un sistema di tracking di prisonero, conoci como “Inmate tracking system through Radio Frequency Identification (RFID)”, cu lo yuda monitoria e prisoneronan via un sistema tecnologico avansa, cu ta uza na Merca y rond mundo.

Mientrastanto e procesonan pa renoba e infrastructura deteriora lo sigui aceleradamente, mientras ta sigui encamina e proceso inicia, pa por yega na un facilidad nobo pa KIA.