- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
- Cooperacion mas estrecho entre e parti Caribense di Reino y Hulanda riba tereno di enseñansa i investigacion
- Conocido ciudadano y ex director di KIA Ben King a haya despedida impresionante
Ex minister Jamaloodin di Corsou sentencia na 28 aña prison
WILLEMSTAD – Diabierna Corte di Prome Instancia a sentencia ex minister di Finanza di Corsou, George Jamaloodin, na 28 aña di prison den e caso Maximus. Jamaloodin a keda sentencia pa provocacion di e morto riba politico Helmin Wiels den caso Maximus y den caso Germanium pa den calidad di Minister di Finanza, malversa placa di subdisio y falsificacion di firma. Den caso di Passaat, a absolve e ex mandatario. Ministerio Publico a pidi 30 aña total pa e ex mandatario.
MAXIMUS
Den e caso Maximus, Corte a mustra cu a keda proba, cu Jamaloodin a duna e orden pa mata politico Wiels, cu el a pone placa disponibel pa esun cu organisa e asesinato y cu el a paga pa e morto. Door di e acto di Jamaloodin, a tuma bida di Helmijn Wiels. Pa loke ta e criteria pa yega na e sentencia, Corte a evalua cu di e asesinato politico aki, ta manda un señal cu poder y violencia ta riba democracia y ley. E señal ey ta crea miedo y desconfiansa den comunidad, ta limita e ciudadanonan y politio den cierto forma di sinti nan mes liber, pa duna nan opinion y ta traha caminda den comunidad, unda cu solamente e derecho di esun mas poderoso ta conta. Segun Corte, mester tene Jamaloodin responsabel pa esaki. Esey kiermen cu no por sentencie di e forma cu normalmente ta sentencia na Corsou den caso di asesinato, cometi pa un hende cu no tin un strafblad, manera esun di e sospechoso. Pues esey ta nifica: e castigo halto di prison.
GERMANIUM
Den e caso aki, Jamaloodin a confesa riba e caso aki, unda cu e como minister (ambtenaar) a malversa un suma di 450.000 florin. El a uza fondo di subsidio pa un fundacion deportivo, pa e metanan priva. E tempo ey, e tabata Minister di Finanza.Un persona asina ta un hende cu mester tin integridad financiero y como tal, Jamaloodin a viola esaki seriamente den confiansa cu comunidad mester tin di un minister. Esaki ta algo cu Corte ta culpa e sospechoso hopi serio mes.
PASSAAT
Den e caso Passaat, acusa di a falsifica documento, no por a prueba esaki contundentemente, pa cual a absolve e ex mandatario di e caso ey. Wak e sentencia completo AKI . Potret cortesia Extra
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Conferensia di trabou di SEA pa stimula exito den estudio di studiante Caribense
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.
Follow NoticiaCla
