Intencionalmente a dal hoben riba bais cu auto

ORANJESTAD - Cu urgencia diahuebs atardi polis a bay Urataca, unda auto a dal mucha riba bais. Na e sitio polis ta topa cu un hende grandi, cu tabata acompaña cu e hobencito. Nan a mira e auto ta bin di pabou y e hende grandi a bisa e mucha pa hala banda di caminda banda di dje y a haci esaki, pero e chauffeur femenino den e Ignis a tira e auto riba nan y e hobencito a bula pa no keda trapa y a cay rasca su curpa. Polis a bay unda e caso a pasa y a detene e señora cu intencionalmente a haci esaki. E famia di e hobencito a bay warda di polis pa asina entrega denuncia na recherche.