Awor ta dos preso hoben a huy for di KIA

SANTA PATIA - Dos preso hoben a huy for di KIA diaranson anochi. Asina vocero di polis Lito Laclé a confirma diahuebs marduga. Segun Laclé, pa 00.59 melding a drenta for di KIA cu for di Jeugd afdeling e detenidonan: RAMIREZ Jorge Antonio, 15-08-1999 y RAMIREZ Joander Anthony Alexander 23-09-2000 a huy. Mester remarca cu ambos detenido ta sintando un condena pa atraco. Mesora a cuminsa mobilisa tur autoridad necesario pa e buskeda di dicho personanan. Mester remarca cu cualkier ayudo brinda na dicho persona ta castigabel pa nos codigo penal.

Articulo 2:146 di nos codigo penal ta papia di esun cu libera of juda na liberacion di un persona cu tin un castigo di prison ta castigabel cu maximo 4 aña di prison.Pa es motibo ta urgi pueblo di Aruba cu si bo por sa algo di nan paradero of e sitio cu nan ta scondiendo jama nos tiplijn 11141. Bo anonimidad ta wordo garantisa.