Guardian Group Fatum cu otro ‘Best in Business Award’

ORANJESTAD - Debi na e desaroyo económico na Aruba, e empresanan ta obliga di keda constantemente den cambio. Esaki ta trece retonan continuo cual ta parti di hasi negoshi. E Guardian Group Fatum Best in Business Award Aruba ta reconoce empresanan cu ta capaz pa actua contra tur reto poniendo tur pasión pa alcansa excelencia, keda cu impulso pa innova y sigui traha duro pa e empresa crece y bira exitoso.

E aña aki pa di tres biaha, Guardian Group Fatum lo otorga e premio di Best in Business Award Aruba! Tur compañía cu ta contribuyendo na e desaroyo económico di Aruba den un of otro forma ta wordo invita pa participa/registra na e Guardian Group Fatum Best in Business Award Aruba 2019. E mihor companía na Aruba ta gana un pakete atractivo di premios, 10.000 florin cash y mucho mas. Pero e mas importante ta: e reconocemento di tur su clientenan y un carga di "publicidad gratuito". Con bo ta registra? fácil! y ta costa solamente 5 minuut di bo tempo. Bishita www.myguardiangroup.com  y completa e formulario on line. Pa tur esnan cu tin pregunta promer finalisa nan registration online, lo tin un sesión di Q&A diaranson 28 di Augustus na oficina di Guardian Group pa 2pm. Por inscribi pa cu e sesión aki.

E fecha di deadline pa registra ta dia 8 di September 2019. E cuestionario ta consisti di 15 pregunta y e ta na Ingles. E companianan cu participa lo wordo evalua door di D & I Business Support Services a base di e modelo di Excelencia Empresarial, di acuerdo conforme e calidad di EFQM cu ta European Foundation for Quality Management.

E 5 companianan cu ta den e fase di mayor crecimiento lo continua pa e último tanda. E finalistanan lo wordo juzga door di un bishita personal na su compañía, un entrevista na radio y un presentación di su of nan compañía na un cuerpo di jurado profesional cu lo determina e ganador maximo. E ganador di e premio Best in Business Award 2017 ta Sr. Diederik Kemmerling di The Lab-Grow Marketing Solutions y e ganador Best in Business Award 2018 ta Ewald Browne di Infinity Lighting and Design. 

Ademas di e Best in Business Award, Guardian Group ta introduci e aña aki e Best Business Concept Award. Den e ultimo añanan aki na Aruba, nos a bin tuma nota di varios personanan cu ideanan original pa negoshi, pero ta scohe pa hasi esaki como hobby of sin establese e negoshi formalmente. Pa e motibo aki Guardian Group ta introduci e aña aki e Best Business Concept Award. E award aki ta focus riba e personanan cu ideanan innovativo, inspirativo, creativo, y artistico pero no a establese su negoshi formalmente ainda. E personanan aki ta haya e oportunidad  pa pitch nan negoshi y e mihor lo gana e Best in Business Concept Award y  Awg. 2.500,00 florin cash.  Pues, registra awor, pasobra bo por ta e prome ganador.

E ganadornan di e Best in Business Award Aruba y Best Business Concept di Guardian Group 2019 lo wordo anuncia durante un coctail party diavierna 8 di November proximo.

E registracion pa tur dos Award ta via un formulario on line den cual bo ta scoge  pa cua Award bo ta registrando. Nos ta warda riba bo, registra awor!