Arubahuis atendiendo e caso di señora perdi na Leiden

DEN HAAG - Gobierno di Aruba (lesa: Arubahuis) ta atendiendo e caso di sra. Mira Florez Sanabria cu ta perdi na Hulanda. Manera cu NoticiaCla.com a raporta e siman aki caba, sra. Sanabria a bay Hulanda pa bishita su yiu cu ta studia na Hulanda. Desde diasabra el a bay for di cas pa haci compras y no a bolbe mas. 

BESARIL

Minister Plenipotenciario na Hulanda, sr. Guilfred Besaril a informa pa medio di un comunicado diamars atardi, cu e ta atendiendo e caso aki cu Gobierno y autoridadnan Hulandes. Arubahuis ta atendiendo tambe cu e studiante y vocero di Cuerpo Policial na Leiden. 

ARUBA

Na Aruba Minister President Evelyn Wever-Croes ta den contacto cu famia pa duna asistencia.  Señora Sanabria tin 3 dia desapareci na Leiden y basa riba reglanan di autoridad Hulandes, cu despues di 72 ora di desaparicion por cuminsa investigacion official di un caso, autodidadnan Hulandes ta trahando riba e caso aki pa haya sa di e paradero di señora Sanabria. 

CONTACTO

Minister Plenipotenciario señor Besaril ta constantemente den contact cu autoridadnan Hulandes. Nos ta keda pendiente di e desaroyonan. “Nos ta keda positivo den oracion y fe cu señora Mira aparece pronto sano y salvo”, Prome Minister Evelyn Wever-Croes a expresa.