Na Corsou ta bringa pa codigo pa prensa pa proteha victimanan di accidente

WILLEMSTAD – Na Corsou (y Aruba tambe) tin e discussion (atrobe) cu si mester tin regla pa cu cobertura di accidente den prensa. Caribisch Netwerk ta raporta un accidente di trafico particular na Corsou unda cu un hoben ta bin fayece. Algun rato despues periodistanan ta yega y ta cuminsa ‘stream’ tur cos live riba Facebook. Segun e raportahe, na Corsou (y Aruba) ta custumber cu den prensa ta publica potret di victimanan visible. Hasta esnan cu a fayece. Sea un brasa cu ta sali pafo di un klechi cu cual a tapa e curpa. Op Curaçao is het gebruikelijk om in de media slachtoffers van verkeersongelukken herkenbaar in beeld te brengen. CN ta relata di otro accidente unda cu e mama di e victima, yena di tristesta, ta cay abou y ta wordo filma live pa prensa. 

NO TA SPAAR NI VICTIMA NI FAMIA 

Door di e yegada di social media, a bira hopi facil pa tanto prensa como esnnan ta pasa cerca di un accidente, pa comparti e situacion mesora via internet. Door di primi un boton, tur hende por wak. Den caso di un accidente cu e victima Benjamin, e imagen di su cesonan riba asftalt a keda comparti. Un imagen cu hopi hende ainda no por kita di nan memoria. E ciudadano Liz van de Laar riba Facebook a pidi e matutino Extra pa kita e imagenan. E matutino a reacciona mesora pero e daño tabata haci caba segun van de Laar. 

NO TA NOS INTENCION

Segun hefe di redaccion di Extra, Valesca Diaz, berdad e imagenan a bay mucho leu. “E imagen di e cesonan di Benjamin no tabata di nos reporter. El a bay live si for di e sitio. Mi a hala su atencion cu nos na Extra no kier crea e problema cu famianan ta haya sa via nos medio cu nan ser keri a fayece. E motibo cu nos ta bay live, ta pa informa e comunidad cu algo a pasa y cu nan tin cu core otro caminda, pero no pasobra nos kier comparti imagen horrible. Esey no ta nos intencion” Diaz a sigui bisa. 

KEN TA RESPONSABEL

Segun e hefe di redaccion, lo mester bin mas entrenamiento pa haya tur periodista traha den e mesun direccion. Pero no ta conoci ken su responsabilidad esey ta. Ex politico di Corsou Omayra Leeflan a cuminsa 14 aña pasa como minister di trafico y comunicacion. El a pone un codigo di comportacion pa prensa, unda cu ta poni con prensa mester actua den situacionan asina. E tabata mas dirigi e tempo ey pa fotografonan cu tabata saca potretnan sangriente riba portadanan di corant. “Mi a tuma e mando na 2005 pa establece e codigo di comportacion. Den e codigo aki tabatin un facilidad pa meld. Esey ta ensera cu tur hende, ciudadanonan tambe, por meld si viola e codigo aki, segun Leeflang. Ora cu e la bira minister di enseñansa na 2006, el a traha un ley unda cu e codigo mester a keda ancra den un ley. Bou di wowo di un asina yama ‘mediaraad’, e kier a ordena prensa pa tene su mes na e regla aki. Sinembargo, e ley aki nunca no a keda aproba. 

BENDE POTRET SANGRIENTE

Prensa na Corsou no ta independiente. Prensa ta comercialisa. Tur hende mester biba di propaganda di y benta di corant. Si bende potretnan sangriente, ta usa e potret ey, pasobra si ami como corant no tin e potret ey riba portada, mi ta bende menos corant. Esey ta e complexidad di nos panorama periodistico y di e sistema aki sin subsidio” Leeflang a sigui bisa. 

LEY DEN TAPARA

Segun actual minister di enseñansa di Corsou, Marylin Alcala-Walle, tin un ley den tapara pa establece un tipo di codigo. Si tin regla di comportacion pa cual prensa mester tene nan mes na dje, no ta conoci. 

 .