Recherche a haci 5 entrada hudicial diabierna pa busca fugitive Schneiders

STA CRUZ - Awe durante dia team di recherche di Santa Cruz enconexion cu huida di di e fugitive Miguel Schneiders, a hasi entrada hudicial na 5 diferente cas en busca di e fugitivo: 2 cas na Meiveld, 1 na Piedra Plat, 1 na Tanki Leendert y 1 na Pavia. Articulo 2:146 ta papia di esun cu libera of juda na liberacion  di un persona cu tin un castigo di prison ta castigabel cu maximo 4 aña di prison.

NA ARUBA AINDA

E team di recherche tin bon indicacionan cu e fugitivo ta na Aruba ainda y ta considere un persona sumamente peligroso. Pa es motibo ta urgi pueblo di Aruba cu si bo por algo di su paradera of e sitio cu e ta scondiendo jama nos tiplijn 11141. Bo anonimidad ta wordo garantisa.