Polis na Corsou ta alerta pa cover case di cellular den forma di arma

WILLEMSTAD – Na Corsou diahuebs polis a emiti un boletin di alerta pa personanan cu ta usando e ‘case’ pa cellular, of un ‘estuche’ nobo cu ta circulando, den forma di un arma. Segun e comunicado, no tabata intencion di polis pa trece panico den comunidad, pero kier solamente ‘alerta’ tur hende. Segun polis, loke a sosode ta cu durante control di polis riba un hoben, a bin haya un ‘case’ cu ta den forma di un arma di candela hinca den su saco. Segun e comunicado, un situacion cu kizas sin intencion malign di e hoben aki, pero cu a percura pa consternacion y  hasta cu chens di por a termina den algo hopi mas serio. “Cuerpo policial ta conseha y adverti pa mirando e crimenan cu ta asota nos isla y di cua hopi di nan ta keda cometi cu arma di candela, pa no cana cu nada cu parse of tin indicacion di ta un arma di candela” polis ta sigui bisa. “Polis lo no duda pa actua cu e determinacion necesario y e responsabilidad lo keda pa e sun cu a scohe di ta den posicion di e imitacion di e arma aki.