Aruba riba lista di hotelnan Caribe cu a score bon cu ocupacion pa juni

MIAMI – Resultado hotelero den Caribe pa luna di Juni 2019 tabata mixto. Un grupo di hotel a conoce caida den bishitante y otronan a conoce subida. Esaki segun e compania cu ta procesa cifra turistico, STR. Average, hotelnan den region a raporta un caida di 6.7% den ‘occupancy’, compara cu aña pasa, mientras cu e tarifa pa camber disponibel si a subi un poco, cu 1.6%. Aruba a score bon cu occupancy, mientras cu esun mas malo tabata Republica Dominicano. AHATA mes a confirma esey algun dia atras den nan propio raportahe. Pa loke ta Republica Dominicano, nan  a sufri tanto den occupancy como tarifa di camber. Tur pa motibo di mal noticia di turistanan muriendo na e isla.  Fuera di Aruba, destinacionan cu a raporta aumento ta Bahamas, Barbados,  Cayman Islands, Curacao, St. Lucia y Turks and Caicos. Destinacionan cu a cay den occupancy, ta inclui Bermuda, Dominica, Jamaica, Puerto Rico, St. Kitts and Nevis, Trinidad and Tobago y U.S. Virgin Islands.