Warda Costa a intercepta hopi droga abordo di barco Venezolano

WILLEMSTAD - Diarason pasa, 31 di juli 2019 Metal Shark di Warda Costa den e awanan teritorial di Corsou a intercepta un barco Venezolano cu dies persona abordo.

Durante di e intercepcion e barco a cuminsa sink. A transporta e dies personanan di diverso nacionalidad pa e Punto di Sosten di Warda Kosta Corsou, unda a entrega nan na KPC. Despues a touw e barco, cu ya tabata mitar bou di awa, cu e cutter Jaguar di Warda Kosta pa e pier na base di marina na Parera.

E siguiente mainta, 1 di augustus 2019, a saca e barco cu ayudo di e sambuyadornan di Defensa y Cuerpo di bombero di Corsou a pomp saca e awa. Pa despues personal di Warda Costa hunto cu un team di Zr.Ms. Groningen y duana a listra e barco minuciosamente. Esaki a resulta den un hallazgo di mas cu 800 kilo di cocaina den un compartimento scondi den e barco. Entretanto a distrui e droga riba ordo di Ministerio Publico y e pasaheronan awor ta considera como sospechoso.