Solidaridat Sindical na Corsou lo cuminsa cu accion awe tardi

WILLEMSTAD – Awe tardi 6or Solidaridat Sindikal lo start cu nan accion. Esaki ta loke cu sr. Frensley Sille di Solidaridat a duna di conoce despues di a reuni casi 2 ora cu Prome Minister Eugene Rhuggenaath y tambe Minister di Finansa, sr. Kenneth Gijsbertha ayera na Fòrti.

Sr. Sille a indica cu for di siman pasa diahuebs cu Solidaridat Sindikal a reuni, a indica cu nan lo tuma accion si gobierno no kita for di e “groeistrategie” y tambe e medidanan. Despues di e reunion di ayera tardi, no a logra nada y p’esey awe tardi pa 6or e accion ta start, caminda e sindicatonan den Solidaridat hunto cu e gruponan social y otro grupo di preocupacion lo sinta hunto. Lo duna nan informacion di loke cu a sosode den e reunion cu Prome Minister y Minister di Finansa.

E accion ta pa contrareste e medida y “groeistrategie”.

Segun sr. Sille, gobierno a duna di conoce, cu nan no por hala atras for di e “groeistrategie”, pasobra ya tin e puntonan den esaki, cu a cuminsa atende cu nan caba. Pues no por hala atras for di nan. Sinembargo Solidaridat no por biba cu e puntonan cu tin den acuerdo di “groeistrategie”.

Pa loke ta trata nan participacion den cualkier toma di decision cu ta mishi cu e clase trahado, sr. Sille a bisa cu esey gobierno ta di acuerdo pa nan participacion. Pero Sille ta mir’e mas pa den futuro, pasobra awor aki nan no kier participacion den “Groeistrategie”, mirando cu ya gobierno a cuminsa atende cu algun punto di e acuerdo di crecemento caba.

Pues awe tardi tur hende ta pendiente kico ta e accion di Solidaridat Sindikal y e gruponan social di preocupacion cu a uni cu nan. 

Colaboracion Dick Drayer. Potret cortesia matutino Extra Curacao.