Consul General di Venezuela a gradici Cruz Cora Aruba pa sosten

ORANJESTAD – Como muestra di gratitud pa tur loke cu Cruz Cora di Aruba a haci pa venezolanonan den nan momento di necesidad, Consul General di Venezuela na Aruba, Amabel Lugo Irizarry a haci un acto diahuebs mainta di reciprocidad. Entre otro ora cu p.e. venezolanonan tabata keda pega na Aruba pa motibo di problema di buelo of otro asuntonan cu ta rekeri ayudo. Esaki e la haci den forma di entrega un cantidad di combustibel na e representante di Cruz Cora, Marieta Wanopa. Lugo a lesa un decreto oficial unda cu e ta gradici Cruz Cora y ta mustra cu nan lo por conta cu mas gesto asina, mustrando nan eterno gratitud. Presente tambe tabata e presidente di Cruz Cora Michel de la Haye. Di banda di Cruz Cora, Wanopa a mustra cu portanan ta keda habri semper pa yuda, y cu nan ta ekipo pa esaki.