Polis ta buscando e preso fugitivo Martina

SAN NICOLAS – Cuerpo Policial a publica imagen di e preso fugitivo Gerson Galsirio Martina (38) cu a huy diadomingo mainta for di KIA. Vocero di polis, Lito Laclé, a confirma cu pa 10:05am, a raporta e huida. Mester remarca cu e persona aki ta sintando un condena pa atraco. Mesora a cuminsa mobilisa tur autoridad necesario pa e buskeda di dicho persona. Mester remarca cu cualkier ayudo brinda na dicho persona ta castigabel pa nos codigo penal. Articulo 2:146 di nos codigo penal ta papia di esun cu libera of yuda na liberacion  di un persona cu tin un castigo di prison, ta castigabel cu maximo 4 aña di prison. P'esey mes ta urgi pueblo di Aruba, cu si bo por sa algo di su paradera of e sitio unda e ta scondiendo, yama nos tiplijn 11141. Bo anonimidad ta garantisa.