Gobierno di Corsou ta monitor situacion di yiu di Corsou cu a haya pena di morto

DEN HAAG – Gobierno di Corsou ta den contacto cu embahada Hulandes na Marrueco pa cu e ciudadano Shardyone S. . Weekend pasa e pais a condene na pena di morto. Segun e pais, e yiu di Corsou (30) y su complice Edwin R (25) lo segun corte, kier a tira   doño di un café di Amsterdam,Mustapha el F. mata na Marrakesh. Pero nan lo a mata esun robez. Esun cu nan lo a mata ta yiu homber di 26 aña di un huez di Marrueco. Ambos ta haya un castigo di morto pa esey.  

MONITOR

Tanto autoridad Hulandes como di Corsou ta confirma e sentencia di corte di Marrueco. “Nos ta sigui monitor e situacion” gobierno di Corsou a bisa Caribisch Netwerk den un reaccion riba e caso. 

“Nos a compronde cu e detenidonan ta comunica via un persona di contacto cu embahada, y cu embahada ta dunando nan tur asistencia. Nan tin tur atencion pa e caso” minister plenipotenciario pa Corsou na Hulanda, Anthony Begina a laga sa. 

PENA DI MORTO

Na Marrueco por lo menos 195 ta warda nan castigo di morto den nan cel. Esnan sentencia na morto ta wordo tira mata door di un peloton di tiro.  Aunke cu for di 1993 no a ehecuta pena di morto, no kier men cu e yiu di Corsou y su complice no mester ta preocupa. Na 2012 gobierno di Marrueco a laga sa cu abolishon di e ley di pena di morto no tin prioridad. 

AYUDO

Cualkier persona cu nacionalidad Hulandes tin derecho riba ayudo, y conseho si nan haya nan mes den problema den exterior. Segun ministerio di relacionan exterior, e bala ta den tereno di Shardyone S mes. “Ta keda na epersonanan en cuestion mes pa haci uso di e ayudo. Hulanda ta cla pa asisti cu ayudo consular”. Hulanda tambe ta bringando e pena di morto den relacion cu Union Europeo, na Marrueco. Representantenan di Hulanda tabata presente na algun di e procesonan di e caso penal. 

Caribisch Netwerk.