Gerente di Laboratorio Hospital riba ‘non’actief pa posibel estafa

ORANJESTAD – E gerente di e fundacion FSLMA, cu ta entre otro maneha e laboratorium di Horacio Oduber Hospitaal (labHOH), ta poni riba non-actief. Asina e portal Caribisch Netwerk (partner di NoticiaCla.com) ta raporta. E persona en cuestion R.B. lo a manda e pruebanan ( di laboratorio) na un compania na Hulanda, pero e compania ey ta registra riba su adres personal na Delft. Ademas, e paptestnan aki tabata keda Aruba finalmente pa analyse door di e pathologo M.L, cu tambe ta riba non-actief. Un fuente anonimo segun CN, ta bisa cu ta trata di 2600 preparaten di for di October aña pasa. Hospital mester a paga 190 euro pa pida, envez di e 15 florin cu e ta haya cubri. 

Segun sindicato ABV, tin añanan largo di mal ambiente na trabou. “Intimidacion di gerencia, un presion halto na trabou debi na scarsedad di personal, y un dienstrooster no saludabel” ta loke e presidente Gina Maduro ta bisa. Mayoria di e personal di laboratorio ta miembro di e sindicato.  Maduro a bisa cu despues di publicacion di e ‘estafa’, trahadonan tin miedo di habri nan boca pa miedo cu nan por haya nan retiro. 

“Nan a cuestioan caba riba e proceso di trabou cu tabata falta na cierto prueba. E testnan aki meter a bay mesora den un envelop y wordo manda. Nan no a haya esaki sigur”. Pero prueba no tabatin di e estafa. Te ora cu e publicacion a bin. Despues e bala a cuminsa core tambe pa nan. Nan a haya mas intimidacion y a prohibi nan pa papia. 

Mientrastanto director di hospital mes, Ezzard Cilie ta maneha e laboradorio. E tin tambe critica riba e directive y e hunta di supervision. “Nos a alerta nan hopi tempo. Ora cu a tuma B. na trabou na januari 2017, nos a bisa caba cu e no ta adecuado como gerente”. Ta parse segun e sindicato, cu a tene man riba cabez di e gerente. 

ESTAFA

E columnista di e vespertino Amigoe, Nico van der Zee tabata prome cu a raporta e asunto den su columna. Su casa ta traha na e laboratorio y awor ta sinti e efectonan mesora. Aunke cu e ta wordo sosteni pa su coleganan, el a keda menasa pa esnan cu ta den funcion di maneho. Y e tin un siman na cas caba. 

Mientrastanto e directiva di Hospital (manera NoticiaCla.com a raporta tambe) tin un investigacion forensico na caminda. Esaki pasobra tin indicacion di violacion di integridad. E investigacion lo concentra riba e departamento di patologia y e testnan haci pa un ‘compania Hulandes’. 

E fundacion FSLMA ta funciona desde 2015 como successor di e landslaboratorio cu na 2007 mes a haya su mes mei mei di un problema di estafa miyonario (10 miyon) pa cual a sentencia 3 empleado.