Ta envolvi den un dalmento y core bay tin un castigo di prison

ORANJESTAD – Ta envolvi den un dalmento y core bay, tin un castigo di prison. Asina cuerpo policial ta recorda tur automobilista diaranson. Segun e cuerpo, un di e problemanan di mas grandi cu Cuerpo Policial su departamento di trafico ta encontrando su mes e ultimo añanan ta cu hendenan envolvi den un dalmento ta bay for di sitio sin cu e debido documentacion wordo tuma door di un polis di trafico of un persona asigna pa Minister di Husticia. 

Nos mester remarca cu esaki ta castigabell pa ley. Pa ta exacto artikel 4 lid 2, Landsverordening Wegverkeer.

Mester remarca tambe cu conforme articulo 40 lid 4 tin un castigo di maximo 1 aña di prison y un boet di maximo 25 mil florin pa ta envolvi den un dalmento y bandona e sitio.