Simar: Ta fiha posicion despues di reunion cu minister dialuna

ORANJESTAD - Sindicato di maestro SIMAR ta fiha nan posicion riba e impacto di e carta ultimo cu minister di Enseñansa Rudy Lampe, despues di nan reunion cu e mandatario dialuna merdia. E mandatario a manda siman pasa pa tur departamento y institutonan di enseñansa. E carta ta informa cu ‘per direct’ varios medida ta wordo tuma pa asina yuda baha gasto di gobierno, conforme ‘peticion’ di e colegio di supervision financiero CAft. Mes momento sinembargo e carta a causa indignacion den sector di enseñansa na Aruba, specialmente esun secundario, cu ta esun cu ta wordo afecta directamente. Tin cu ya caba ta papia di accion ora scol habri aki dos siman. E presidente di Simar Josephine Albertus no kier a bisa mucho riba esey, sino solamente cu enberdad e sentimento den enseñansa, despues di e carta, ‘no ta bon’.