STA: Of WAB ta ofrece CAO nobo of tin accion

ORANJESTAD - Despues di a reuni cu e delegado di e companian cu ta resorta bao di WAB y tambe e empleadonan, a bin na un consensus cu e contra oferta di WAB pa locual ta e CAO ta inacceptabel. Asina presidente di sindicato STA, Diego de Cuba a bisa Noticiacla.com diadomingo mainta. Trahadornan rabia ta cla pa bay accion y ta urgi directiva di WAB pa bin cu CAO e biaha aki mas husto y no kier tende nada mas di protocol, sino sinta negocia un CAO completamente nobo. STA tin e concepto cla caba y den e dianan cu ta sigui lo manda esaki pa WAB..Apesar cu a pidi mediador di gobierno pa traha riba un "Tussenvoorstel" no ta kita afor e deseo pa un contrato colectivo completamente nobo. E situacion ta keda tenso segun de Cuba.