Memorandum of Understanding entre servicionan portuario di Aruba y Corsou

ORANJESTAD -Aruba Ports Authority N.V. conhuntamente cu Curacao Ports Authority N.V. a firma un Memorandum of Understanding "MOU" recientemente. Director di APA N.V. Sr. Jossy Figaroa, y Director di CPA N.V. Sr. Humberto de Castro a acorda pa establece un acuerdo di mutuo interes cu e proposito principal pa entre otro trece prosperidad economico pa e comunidad, negoshinan, y residentenan den region atravez di comercio via di dicho companianan, alcansa ventaja nan competitivo den e region y intercambia informacion entre puertonan (comercial y otro) y atrae mas puerto den e area di "Deep South" pa uni na e cooperacion.

Pa alcansa e motibonan ariba menciona lo uni den entre otro, esfuerzonan di mercadeo, intercambio di informacion, esfuerzonan di modernizacion y mehoramento, y diferente aspectonan educativo (seminarionan/cross-training). E acuerdo ariba menciona lo tin un duracion di un (1) aña y lo wordo renoba despues di dicho periodo cu e oportunidad pa evalua y modifica si ta necesario.