A haya Miss Honduras María José Alvarado morto

TEGUCIGALPA - Miss Honduras María José Alvarado, 19, su curpa a wordo haya hunto cu esun di su ruman Sofía Trinidad Alvarado Muñoz. Segun Associated Press, Alvarado, cu recientemente a keda eligi como e miss di e pais, a wordo raporta como perdi. Esey ta algun dia prome cu e mester a biaha pa Londres pa participa den e certamen di Miss Mundo. Polis a detene dos homber diamars, incluyendo e guy di e ruman muher, y tabata wordo interoga. Ultimo biaha cu a mira e rumannan, tabata ora cu nan tabata bandona un fiesta den un auto sin nummerplaat. Ta considera e pais como e capital di asesinato, cu 90.4 morto pa 100.000 hende segun un informe di Nacionnan Uni.

Mientrastanto, e organisacion di Miss Mundo, a pone un mensahe riba su pagina oficial, y ta mustra cu nan ta tristo pa e noticia y lo tene un servicio special di misa hunto cu tur e otro participantenan di e certamen diadomingo awor. Lo recauda fondo tambe na nan nomber pa asina tene nan nomber bibo. E fondonan recauda lo bay pa un cas di mucha na Honduras. E certamen ta tuma lugar 14 di december proximo na Londres