Gobernador di Corsou ta nenga firma landsbesluit di gabinete Rhuggenaath

WILLEMSTAD – Gobernador di Corsou  Lucille George-Wout a nenga firma e decision di Gabinete Rhuggenaath pa un fiansa di 200 miyon extra pa caba e hospital nobo. Gobernador a presenta e ley na Rey pa destrui esaki, esta e landsbesluit cu conseho di minister a presenta, pasobra segun Gobernador, gobierno ta actuando enpugna di e Rijkswet Supervision financiero. Awor conforme procedura, Raad van State lo tin cu duna su conseho na Rijksministerraad pa finalmente dicidi. Gobierno no ta comparti e punto di bista di Gobernador y a laga RMR sa esaki y tambe lo haci mescos cu Raad van State. Segun gobierno, pa garantisa continuidad di cuido adecua y e construccion di e hospital nobo, mester haci e fiansa aki. Sino lo bin problema tambe cu eventual mantencion di un hospital cu no ta operacional ainda. Pa cu e construccion di e hospital nobo, Hulanda a duna un prestamo di 400 miyon florin contra interes hopi abou. Pero recientemente a resulta cu tabatin un injeccion necesario di 200 miyon extra. 

 Fuente y potret cortesia Koninkrijksrelaties.nu