Aruba su prome hotel luhoso a celebra su di 60 aniversario awe!

Aruba su prome hotel luhoso a celebra su di 60 aniversario awe!

Posted on 07/18/2019 5:47 pm AST | Updated on 07/18/2019 8:50 pm AST

(ADVERTORIAL)

PALM BEACH - Basta tempo prome cu Hilton Aruba Caribbean Resort & Casino e hotel iconico tawata tin e nomber di Aruba Caribbean Hotel, y tawata e prome hotel di luho riba e isla di Aruba. E hotel a habri su portanan oficialmente na 1959 y a habri caminda pa turismo ariba e isla. 

Pa hopi aña, Lago Oil Refinery tawata e fuente di empleo principal na Aruba. Pero cu automatisacion den a añanan 50, un gran cantidad di empleado a perde trabou. Pa sostene e economia, a mira necesidad di un industria nobo y e sugerencia di gobierno mas probabel a bira: turismo.  

Pa conmemora su di 60 aniversario, y pa celebra e hotel su progreso como pionero di Aruba su industria di hospitalidad di luho, e resort ta invita guest y local pa participa den 60 dia di celebracion hunto cu famianan y amistad, cu un serie di promocion. Esakinan ta inclui prijsnan special pa kamber, menunan special pa e celebracion den varios restaurant mane Laguna y Sunset Grille e specials den Eforea Spa. 

Localnan y bishitante por comparti momentonan inolvidabel den un concurso di fotografia cu ta lansa riba social media Diahuebs, 18 di Juli. Cargando e tema di “Iconic Legacy”, participantenan por entrega nan recuerdonan inolvidabel pa e chens di gana premionan fabuloso. 

E 60 dianan di celebracion tambe ta un tempo pa debolbe. Como parti di su programa di responabilidad social corporativo, Coleganan y lidernan di e resort lo ta restaurando un cancha di basketball den bario di De Vuyst na San Nicolas. 

E asina yama “Gran Dama”, e hotel tawata diseña pa un di e architectonan Mericano di hotel, Morris Lapidus, kende tambe a diseña hotelnan referencial manera e Fountain Bleu, Eden Roc y Americana. Di e 276 hotelnan diseña pa Morriba Lapidus, esun di e prome hotel grandi na Aruba ta considera un di su mihornan. 

Despues di a habri su portanan na 1959, rapidamente ela bira un localidad favorito di celebridadnan famoso. Algun di e guestnan durante añanan tawata, miembronan di Famia Real Hulandes, actornan, actriznan, cantantenan y mas. For di Reina Beatrix pa Rey Willem-Alexander, Princess Margriet van Vollenhoven, cantantenan manera Harry Belafonte y George Benson, y otro farandulero manera Elizabeth Taylor, Eddy Fisher, Jack Benny, Arthur Godfrey, Xavier Cugat, Abbe Lane, Jan Peerce, Liberace, Natalie Wood, Bob Hope, Roger Moore y Tony Martin. 

Guestnan di e hotel por mira e legado celebre aki den un serie di fotografia vintage dentro di e propiedad, como recuerdo di e decadanan pasa, colga riba muraya den lobby y hanchinan y hasta kamber. Asina preservando e nostalgia y combinando e cu tecnologia actual, poniendo valor grandi riba inovacion pa trece e marca special di hospitalidad antiguo tambe den futuro. 

Durante e añanan, Hilton Aruba Caribbean Resort & Casino, lo continua e celebracion di su Aniversario di Diamente cu actividadnan y surpresanan pa tanto localnan y bishitante por disfruta

 

  • Powered by SETAR