Gobierno cu cambio di pensamento: No a dicidi ken ta haya permiso di carnaval 2015

ORANJESTAD – “Gobierno no a dicidi ainda ken ta haya e permiso di carnaval”. Esaki ta e carta cu gobierno a manda diamars, relaciona cu e situacion di permiso. Segun abogado di Stichting Arubaanse Carnaval, Darrin Crouch, esaki ta un intento di stroba e caso den corte di Lar diaranson mainta awor. Door di bisa cu ‘no tin permiso duna ainda’, e tactica aki lo mester debilita cualkier chens cu SAC por tin den corte diaranson, segun e abogado. Esaki siendo cu algun tempo pasa, durante un conferencia di prensa, gobierno pa medio di prome minister Eman y minister di cultura Oduber, ambos a declara cu nan a dicidi cu Stichting Maneho di Carnaval di Aruba SMAC, ta haya e permiso pa organisa carnaval 2015. Un decision sinembargo cu segun e carta, gobierno no a duna. SAC a yama un conferencia di prensa pa diamars atardi pa splica e situacion cu a surgi awo. NoticiaCla.com a busca contacto cu minister Oduber pero no tabata exitoso ainda.