Zr.Ms Groningen a intercepta botonan go-fast cu droga y placa

ORANJESTAD – E bapor Hulandes Zr.Ms. Groningen a intecepta un go-fast cu placa y droga, y a salba un bida. Tur esey den un siman di tempo. Asina e comunicado di Warda Costa ta bisa. Tabata riba e anochi di 10 di juli cu a intercepta e go-fast. Dos Frisc boto di De Groningen a para e go-fast. A intercepta 424 kilo di cocaine. A confisca e droga y detene e dos personanan na polis di St Maarten. 

 Dos dia despues a bolbe intercepta un go-fast, e biaha aki a desactiva e motor door di tira riba e gofast. Pero ya a tira e droga den laman. Den laman a logra gara un tax cu un gran cantidad di placa aden. Tanto e placa como e tripulantenan a keda entrega na polis di St Maarten.  

Mas laat den dia tabatin mas go-fast cu a kead intercepta y usando e mesun tactica, a desactiva e motor di e gofast. E biaha aki si no a logra gara e droga, y mester a laga tripulantenan liber debi cu no tabatin prueba.  Y finalmente diadomingo a salba bida di un persona cu a bira naufrago ora cu su boto di piscado a bolter. Tres otro persona tambe a keda rescata, pa warda costa Mericano.