Buskeda pa preso fugitivo peligroso ta continua

ORANJESTAD – E buskeda pa e preso fugitivo peligroso Erick Arturo Minguel Junior Schneiders (24) a continua diamars mainta tempran cu ayudo di e helicopter. Ayera durante conferencia di prensa di gobierno, minister di husticia Andin Bikker a sigura cu tur cos ta wordo haci pa captura e fugitivo aki y cu pueblo por keda trankil cu tur precaucion ta tumando lugar, mirando cu ta trata di un persona peligroso y cu tabata sinta un castigo pa asesinato caba. 

E HUIDA

Tabata diadomingo atardi cu polis a alerta cu e preso considera como peligroso, tabata fugitivo. Segun vocero di polis Lito Laclé, ta pa 4.15pm diadomingo e bewaker di CEA cu ta esun cu ta atende cu presonan na wardanan di polis a pone e chef van dienst di Districto di Santa Cruz cu un detenido lo a caba di huy. Ta trata di e prisoner  Erick Arturo Minguel Junior SCHNEIDERS (24) , cu tin su nomber di apodo  “Miguel”. 

ASESINATO  

E detenido aki ta sera pa un caso di asesinato y e ta sera na warda awo pendiente di un otro caso di intento di asesinato. E detenido aki ta sumamente peligroso. Cualkier informacion por jama e tiplijn di polis, 11141.