- AZV: Contracto cu dentista Mayra Rosales ta termina
- Pastoral Hubenil Aruba cu Caminda di Luz Hubenil na misa di Dakota
- Gobierno Hulandes a anuncia pasonan conkreto despues di disculpa pasado di sclabitud
- Fin di siman aki gobierno nobo di St Maarten ta huramenta porfin
- Exposicion ‘The trip of my life’ na Bibioteca Nacional di Aruba
Gezaghebber di Bonaire a denuncia director financiero OTB
KRALENDIJK – Gezaghebber Edison Rijna di Bonaire a hasi denunsia na Ministerio Públiko di posibel aktonan kastigabel di parti di e direktor finansiero di e kompania anónimo di gobièrnu Oil Trading Bonaire, OTB. Riba djaluna 15 di yüli gezaghebber a hasi e denunsia. “Komo gezaghebber mi ta protektor di integridat gubernamental i atministrativo i banda di esei komo presidente di Kolegio Ehekutivo mi ta representá tambe e akshonista di OTB. Pa e motibu ei mi a disidí di hasi denunsia na Ministerio Públiko di posibel echonan kastigabel na OTB,” asina gezaghebber Rijna a deklará. A base di e denunsia di gezaghebber Ministerio Públiko a disidí di kuminsá ku un investigashon. Pasobra ta trata di un kompania anónimo di gobièrnu, reshèrshi di reino ta enkargá ku e investigashon.
E último simannan a surgi hopi inkietut sosial na Boneiru despues di informenan den medionan di komunikashon ku e direktor finansiero a paga sèn di mas na su mes persona. Dia 5 di yüli Rijna a deklará ku den e siman ei el a entregá e rapòrt di Audit Force tokante e situashon na OTB na Ministerio Públiko. Tambe gezaghebber a entregá Ministerio Públiko e informashon ku e direktor finansiero a duna. For di e ‘accountrapport’ i e informashon di e direktor finansiero, a resultá ku no tin palabrashonnan firmá pa e montantenan pagá. Esaki Ministerio Públiko resientemente a informá gezaghebber.
Ministerio Públiko a informá gezaghebber tambe ku no a hasi promesanan verbal klarito ku ta hustifiká e montantenan pagá. Den un deklarashon gezaghebber ta enfatisá ku tanten e investigashon di reshèrshi di reino ta kanando e no ta duna informashon tokante e kaso. “Pa mas pregunta tokante e investigashon mi ta referí prensa na Ministerio Públiko,”asina gezaghebber a duna di konosé. Nota: E papiamento usa ta esun fonologico di Corsou, envez di etimologico di Aruba.
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Screening ministernan pa gobierno nobo di St. Maarten porfin ta den fase final
PHILIPSBURG - Den wikènt tras di lomba porfin informashon verídiko a drenta ku ta duna un indikashon ku e proseso di formashon di un gobièrnu nobo pa St. Maarten ta yegando den su fase final. Ta spera ku pa fin di e siman aki e seremonia pa hura e ministernan nobo di gabinete Mercelina i ta tuma lugá.
Tres Colombianonan ‘perdi’, lo a bandona barco crucero intencionalmente
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
Follow NoticiaCla
