Osyth Henriquez di “Ocean Villas” cu "up cycled bags" di propio diseño

Posted on 07/12/2019 4:18 pm AST | Updated on 07/12/2019 4:19 pm AST

ORANJESTAD - Recientemente “Ocean Villas” a haci varios di su clientenan contento. Sra. Osyth Henriquez ta conoci pa su arte den pintamento y su pasion pa loke ta naturalesa y constantemente e ta pensa maneranan inovativo pa re-usa materialnan y re-inventa decoracion di su resort.

Bishitantenan di varios parti di mundo ta reserva nan camber na unda nan por haya tur trankilidad cu nan ta anhela pe. 

Nan ta keda masha impresiona cu e cambernan y e decoracion di esakinan y cada biaha tin cambionan hopi bunita. 

Osyth Henriquez ta conoci pa su pinturanan tanto den cuadranan como sjaalnan bunita, chandeliers y ta crea semper un ambiente unico cu su decoracionnan original y recyla. E ta stima naturalesa y pesei e ta encanta lama y e trankilidad cu e ta trece cu ne. E tin hopi plan pa futuro cu ta bon pa nos medio ambiente.

Sra. Osyth ta conta cu na momento cu ela pone cortina den e cambernan a resta material di e cortinanan y ela haya inspiracion pa diseña tasnan cu no ta recycla sino upcycled. Dus cu e restante di e paña di cortina a traha tasnan hopi bunita cu ela presenta algun di su turistanan.

Riba e potretnan por mira turistanan procedente di Merca como Alemania, Sandra y Claudia cu a bin di Alemania y nan a goza di nan estadia, nan catering personal y nan vakantie na Aruba den naturalesa. Tambe Tasha di Connecticut, Merca a ricibi su tas unico aki tambe for di Sra Osyth.

  • Powered by SETAR