CMB a ricibi ‘noticiacakes’ pa ta e prome cas comercial di NoticiaCla

CMB a ricibi ‘noticiacakes’ pa ta e prome cas comercial di NoticiaCla

Posted on 07/12/2019 4:12 pm AST | Updated on 07/12/2019 4:13 pm AST

ORANJESTAD – Den cuadro di celebracion di prome lustro di e portal di noticia NoticiaCla.com, e prome compania cu a deposita confiansa den e portal ora cu esaki a cuminsa 5 aña pasa, esta Caribbean Mercantile Bank (CMB), a ricibi un toke di reconocemento den forma di ‘noticiacakes’, diabierna cu a keda ricibi pa e gerente di mercadeo di e banco, Armin Solognier. Solognier a gradici pa e gesto, y a desea e portal exito cu nan proximo 5 añanan. Debi na conflict di schedule, ta te awe, e entrega por a tuma lugar. E portal a celebra su di 5 anniversario dia 2 di july ultimo.  

  • Aruba a conoce su di dos miyonario diabierna cu Lotto

    Aruba a conoce su di dos miyonario diabierna cu Lotto

    ORANJESTAD – Aruba a conoce su di dos miyonario  pa 2019, danki na Lotto. Despues di dos previo intento (siman pasa e premio di Mega Plus a yega 1 miyon atrobe, esaki a keda aden diamars y finalmente cu e suma di 1.300.000 florin, el a cay pa un solo persona. E numbernan ganador tabata 16-23-27-29 y e mega ball tabata 6. Como cu e persona a hunga e wega completo, el a bay cu e premio complete. Ademas e premio a wordo gana na Playa mes, na Lucky Numbers den Hendrikstraat. NoticiaCla.com ta manda palabra di pabien pa e ganador. 

  • Lotto ta buscando e siguiente miyonario nobo di Aruba

    Lotto ta buscando e siguiente miyonario nobo di Aruba
  • Aruba su prome hotel luhoso a celebra su di 60 aniversario awe!

    Aruba su prome hotel luhoso a celebra su di 60 aniversario awe!
  • Gobierno tin te 9 di augustus pa un contra oferta pa indexering

    Gobierno tin te 9 di augustus pa un contra oferta pa indexering

    ORANJESTAD – Gobierno (lesa: minister di finanzas) ta haya te 9 di augustus proximo pa bin cu un contra proposicion pa cu pago di indexering pa 2019. Asina e vocero di e grupo di sindicato en cuestion, (sindicatonan manera TOPA, SADA, SIMAR y SEPPA) Eduard Maduro a bisa diahuebs mainta durante un conferencia di prensa. Ta keda awor na gobierno pa wak con a desaroyo aki ta sigui segun Maduro, ya cu contrario na e pensamento di gobierno, sindicato debidamente ‘tin boluntad’ pa resolve e asunto aki. 

  • San Nicolas tin su cinema bek cu The Movies @ Principal

    San Nicolas tin su cinema bek cu The Movies @ Principal

    SAN NICOLAS – San Nicolas a haya su teatro di cine bek cu reapertura di Principal Teatro, bou di e nomber nobo ‘The Movies @ Principal. Diaranson anochi despues di 5 luna di trabou duro, MetaCorp a cumpli cu e promesa pa duna San Nicolas su salanan bek. Y esnan presente por a experencia 3 sala grandi, di cual por cierto e pantayanan ta mas grandi cu e cinemanan na Playa, completamente ekipa cu lo ultimo di cinematografia. Un concepto diferente unda cu cada sala a haya un rey di stulnan VIP, unda cu e persona cu kier tin e experiencia ey, por haye tambe, sin cu mester a dedica full un sala pa esaki so. Despues di un discurso di e conocido Wendell Bennet, un veterano di mas di 40 aña cu MetaCorp, el a bisa e palabranan ‘magico’ di e actor y ex bodybuilder Arnold Schwartzenegger, ‘We are Back, San Nicolas’. Dilanti e invitadonan special, a repasa e periodonan di antes, te na momento cu su nieta a corta e cinta. Keda pendiente pa mas detayes di e evento importante economicamente pa San Nicolas. 

  • EcoTech a sorprende nan di 6000 cliente

    EcoTech a sorprende nan di 6000 cliente
  • Powered by SETAR