Warda di polis di Playa cera ‘en coneccion cu situacion no mucho saludabel’

ORANJESTAD - Entrante awe diabierna, Warda di polis di Playa lo ta cera. “Esaki ta enconexion cu un situacion cu no ta mucho saludabel pa cu nos coleganan” . Asina vocero di polis Lito Laclé a informa diabierna mainta. Mas informacion di kico exacto e ‘situacion no mucho saludabel’ ta, no a wordo specifica. 

CAMBIO

Pa loke ta e consecuencia, esaki ta nifica cu segun Laclé, publico lo por haya e seccion di straatdienst, seccion di permiso y polis di bario na e Warda di Shaba y for di eynan tambe lo opera te cu proximo aviso. “Nos di Cuerpo Policial ta pidi nos disculpa pa e inconvencia”, Laclé a sigui bisa.