Investigacion caso Banco Central Corsou/screening pasa pa OM Aruba

WILLEMSTAD/ORANJESTAD - Ministerio Publico Corsou a entrega e investigacion di Landsrecherche Corsou pa cu e suministro di informacion door di Banko Central (di Corsou y St Maarten), na Ministerio Publico Aruba, pa asina garantisa e integridad, independencia y imparcialidad di e invesigacion. Asina OM a informa pa medio di un boletin. 

CONTEXTO

Riba 14 di mei 2019, Landsrecherche Curaçao a ricibi un denuncia dirigí contra di Banco Central di Còrsou i Sint Maarten, di parti di señor Monk. E denuncia ta referí na e supuesto infraccion di e ley di screening y di e deber di confidencialidad conforme cu e Ordenansa Nacional di Supervishon di sector Bancario y di Credito 1994, mirando cu lo a comaparti informacion confidencial den cuadro di e candidato-minister.

INVESTIGACION LANDSRECHERCHE

Manera custumber, Landsrecherche Curaçao a inicia un investigacion pa cu e denuncia aki, riba orden di Procurador General (PG). Ahinda no a termina e investigacion aki cu Landsrecherche ta ehecutando.

INTEGRIDAD

Ministerio Público ta para pa rastreamento íntegro, independiente i imparcial. Pa e rason ei, Ministerio Públiko ta concede importancia cu no tin algun duda pa cu e integridad, independencia y imparcialidad di e investigacion. Recientemente a ser menciona den varios medionan di comunicacion cu a compartí informacion bou di presion di Parket di PG. Mirando cu Landsrecherche tin cu cumpli cu su tareanan bou di orden di PG y e resultadonan di e investigacion no ta cla ahinda, lo entregáesaki na Landsrecherche na Aruba, bou di orden di e PG interino di Aruba, Frans van Deutekom.