Serlimar a presenta su trucknan nobo pa recohe desperdicio

ORANJESTAD – E compania di limpiesa Serlimar Sui Generis a presenta su 18 trucknan nobo pa recohe desperdicio diaranson atardi. Esaki despues cu algun siman pasa a bini hunto pa haci e entrega di 4 Roll-on Roll- off trucks pa Serlimar. Ta considera esaki e inicio di un era nobo.  splica. Segun minister encarga cu e compania, Otmar Oduber, e proceso a tuma luga den forma transparente, caminda cu companianan a inscribi y dilanti di miembronan di prensa y notario a percura pa esaki wordo desvela. 

FINANCIAMENTO 

El a tuma su tempo, conhuntamente cu financiamento di Hertz ta sigura cu Serlimar den e proximo 5 añanan tin un lease pa e autonan aki cu na final ta keda di Serlimar. Mientrastanto e trucknan bieu pero cu ta bon manteni ta wordo bendi den exterior na un bon balor. DOW a yuda Serlimar den e bestek cu a wordo prepara for di aña pasa caba, y tur otro cu a yuda den e proceso pa por a yega na e momento special aki.