Xander Bogaerts y ATA ta ofrece fanaticonan pa gana trip pa Aruba

BOSTON – Entrante awe, fanaticonan di e pelotero professional di Boston Red Sox, e Arubiano Xander Bogaerts por gana un biahe pa Aruba. Un video cu a cuminsa circula awe y a bay viral rapidamente, ta mustra con e pelotero local a duna un grupo di fanatico di Boston e sorpresa di nan bida, ora cu el a bay ‘undercover’ hunto cu nan riba un Xander Bogaerts tour riba Aruba. E tour ta hiba e fanaticonan na varios lugar favorito di Xander, incluyendo e tereno unda cu el a hunga little league tempo cu e tabata chikito. Aki na e tereno, hunto cu ruman Jair,  nan ta hunga weganan di Xander y finalmente ta wak e personahe cu Xander (un supuesto primo di dje) ta personifica, bati bala. Eynan e ta revela cu ta e mes ta Xander, cu ta alegra tur esnan den e tour.

LOTERIA

Y for di diaranson (awe) Aruba Tourism Authority y Xander Bogaerts a confirma pa NoticiaCla cu nan a cuminsa ofrece fanaticonan pa wak ‘E Aruba di Xander’, cu e asina yama Double Play 2 Double Happiness Sweepstakes. Fanaticonan por participa diariamente na www.aruba.com/xandersweeps y cada bez cu Xander completa un hugada double play, fanaticonan tin 2 chens pa participa. Wak e video di Xander ‘in disguise’ AKI.