Pasahero cu destino Aruba, prohibi pa aborda pa miedo di ‘virus ebola’

ORANJESTAD – Un pasahero na Merca cu destinacion final pa Aruba, a keda prohibi pa aborda un avion pa Aruba e siman aki. Minister di Turismo di Aruba Otmar Oduber a confirma esaki na NoticiaCla.com diasabra merdia, despues cu e noticia a bira conoci. E informacion ta cu un pasahero cu algun siman pasa a biaha di Africa, procedente for di e region afecta pa e virus Ebola, a drenta Merca, y tabatin intencion di biaha pa Aruba. E buelo no tabata uno directo y lo a origina for di Texas, y e autoridadnan di avion no a logra baha e pasahero na su prome salida. Ta ora cu e pasahero mester a aborda un otro avion, na Orlando, a logra bahe for di avion y prohibi’e di continua cu su bishita. NoticiaCla.com a compronde cu instancianan internacional a cay aden y finalmente tanto prome minister di Aruba Mike Eman como minister Oduber a duna e prohibicion final.