Sindicatonan kier fecha concreto pa gobierno atende indexering

ORANJESTAD – E grupo di sindicatonan cu ta bringando pa nan indexering di 3.6%, kier un tempo specifico pa ‘regla’ e asunto di pago aki. E contesta di gobierno di dia 26 di juni ultimo, na e sindicatonan pidiendo tempo pa por atende esaki, no a pone un fecha specifico. Y como tal a considera e contenido como uno hopi ‘vago’, pa cual e sindicatonan a manda un carta pa gobierno cu un fecha mas concreto. No ta aworaki ta bin cu e discussion aki segun e vocero di e sindicatonan, Eduard Maduro, a bisa durante un conferencia di prensa diamars mainta. Gobierno mientrastanto ta pidi tempo y espacio pa por traha riba un proposicion y por conhuntamente sali for di esaki. Supuestamente gobierno a indica cu no a tene cuenta cu indexering durante e negosacion di presupuesto y acuerdo cu Hulanda.