Trahadonan di SVGA a protesta cerca Gobierno

ORANJESTAD – Trahadonan di SVGA  (Stichting voor Verstandelijk Gehandicapten Aruba) a tene un accion awe mainta dilanti Bestuurskantoor pa protesta tardansa den e.o. promocionan pendiente for di 2016. Despues di algun reunion cu e gobierno actual, toch a surgi tardansa pa un solucion, cu a pone cu e trahadonan a dicidi cu ta basta. Gobierno di su banda awe mainta, (lesa: minister Glenbert Croes) a priminti cu e lo resolve e asunto y awe mainta den conseho di minister bin cu un proposicion na gobierno pa remedia e situacion di e trahadonan. 

GOBIERNO ANTERIOR

Segun Croes, ta un decision di gobierno anterior tin e situacion actual ora cu a introduci un regla cu pa fin di 2017, areglonan di subsidio pa fundacionan a bira un problema. E mandatario a mustra cu no por ta asina cu esnan cu tin cu yuda atende cu e crisis social, mes no por ta contento pa eherce nan trabou, pa fayo di otro. Como tal e ta mustra cu e ta solidario na e grupo aki y tur otro fundacion. A priminti e trahadonan y e sindicato FTA un reunion breve awe mainta mes, sigui pa un reunion di Conseho di Minister, pa asina bin cu un solucion. E sindicato a mustra su disponibilidad y ta conciente cu awe mes lo no bin un solucion, pero por lo menos por ta un comienso.