AAA a celebra 5 anniversario di Southwest Airlines su trahadonan

Posted on 07/8/2019 4:37 pm AST | Updated on 07/8/2019 4:40 pm AST

ORANJESTAD – Aruba Airport Authority N.V. (AAA) tabata contento pa brinda un desayuno na e empleadonan di Southwest Airlines na honor di Southwest Airlines su di 5 aniversario brindando servicio ida y buelta pa Aruba. Tabata prome di Juli 2014 cu Southwest Airlines a lansa su prome buelo inaugural for di Baltimore (BWI) pa Aruba. Cu e buelo aki Aeropuerto di Aruba a keda habri pa e posibilidadnan di coneccion cu otro destinacion y mercado na Merca.

Southwest Airlines a marca historia dia 7 di Maart 2015 ora nan a lansa nan prome buelo internacional for di Houston-Hobby Airport (HOU) pa Aruba.  

Durante e ultimo 5 añanan, Southwest Airlines no a solamente establese un trafico di punta pa punta exitoso, pero a haci posibel tambe pa hopi pasahero internacional haci uso di nan servicio popular pa yega Aruba.

“Den 2018 nos partner aereo valioso a brinda e oportunidad na 84.849 pasahero pa biaha pa y for di Aruba. Di comienso di aña pa Mei 2019 nos partner confiabel a transporta casi 35.000 pasahero cu un tendencia creciendo. 5 Aña a pasa caba haciendo e relacion mas fuerte entre e aerolinea y Aeropuerto di Aruba. Nos ta ansioso pa sigui re-enforsa y sigui desaroya e partnership cu na final di dia lo beneficia nos pasaheronan y e destinacion.   

Southwest su modelo low-cost exitoso ta posibel door di ta un aerolinea hopi productivo, confiabel y eficiente. Tur combina, ta haci nan “point-to-point route system”, buelonan frecuente, seleccion cuidadoso di aeropuerto, un solo tipo di avion, utilisacion halto di assets, conservacion di fuel y programanan di  hedging cu productividad halto di cada empleado ta produci un operacion hopi safe, eficiente y “cost-effective” cu ta sirbi como e fundeshi di e business model y manehador principal di e aerolinea su di 45 anja consecutivo di exito. 

 

  • Aruba a conoce su di dos miyonario diabierna cu Lotto

    Aruba a conoce su di dos miyonario diabierna cu Lotto

    ORANJESTAD – Aruba a conoce su di dos miyonario  pa 2019, danki na Lotto. Despues di dos previo intento (siman pasa e premio di Mega Plus a yega 1 miyon atrobe, esaki a keda aden diamars y finalmente cu e suma di 1.300.000 florin, el a cay pa un solo persona. E numbernan ganador tabata 16-23-27-29 y e mega ball tabata 6. Como cu e persona a hunga e wega completo, el a bay cu e premio complete. Ademas e premio a wordo gana na Playa mes, na Lucky Numbers den Hendrikstraat. NoticiaCla.com ta manda palabra di pabien pa e ganador. 

  • Lotto ta buscando e siguiente miyonario nobo di Aruba

    Lotto ta buscando e siguiente miyonario nobo di Aruba
  • Aruba su prome hotel luhoso a celebra su di 60 aniversario awe!

    Aruba su prome hotel luhoso a celebra su di 60 aniversario awe!
  • Gobierno tin te 9 di augustus pa un contra oferta pa indexering

    Gobierno tin te 9 di augustus pa un contra oferta pa indexering

    ORANJESTAD – Gobierno (lesa: minister di finanzas) ta haya te 9 di augustus proximo pa bin cu un contra proposicion pa cu pago di indexering pa 2019. Asina e vocero di e grupo di sindicato en cuestion, (sindicatonan manera TOPA, SADA, SIMAR y SEPPA) Eduard Maduro a bisa diahuebs mainta durante un conferencia di prensa. Ta keda awor na gobierno pa wak con a desaroyo aki ta sigui segun Maduro, ya cu contrario na e pensamento di gobierno, sindicato debidamente ‘tin boluntad’ pa resolve e asunto aki. 

  • San Nicolas tin su cinema bek cu The Movies @ Principal

    San Nicolas tin su cinema bek cu The Movies @ Principal

    SAN NICOLAS – San Nicolas a haya su teatro di cine bek cu reapertura di Principal Teatro, bou di e nomber nobo ‘The Movies @ Principal. Diaranson anochi despues di 5 luna di trabou duro, MetaCorp a cumpli cu e promesa pa duna San Nicolas su salanan bek. Y esnan presente por a experencia 3 sala grandi, di cual por cierto e pantayanan ta mas grandi cu e cinemanan na Playa, completamente ekipa cu lo ultimo di cinematografia. Un concepto diferente unda cu cada sala a haya un rey di stulnan VIP, unda cu e persona cu kier tin e experiencia ey, por haye tambe, sin cu mester a dedica full un sala pa esaki so. Despues di un discurso di e conocido Wendell Bennet, un veterano di mas di 40 aña cu MetaCorp, el a bisa e palabranan ‘magico’ di e actor y ex bodybuilder Arnold Schwartzenegger, ‘We are Back, San Nicolas’. Dilanti e invitadonan special, a repasa e periodonan di antes, te na momento cu su nieta a corta e cinta. Keda pendiente pa mas detayes di e evento importante economicamente pa San Nicolas. 

  • EcoTech a sorprende nan di 6000 cliente

    EcoTech a sorprende nan di 6000 cliente
  • Powered by SETAR