Criatura ta cay for di 11 piso di bapor crucero na Puerto Rico

PUERTO RICO – Un criatura di apenas 1 ana y mei, yiu di un agente policial Mericano, a cay for di 11 piso di e bapor crucero Freedom of the Seas di e liña crucero Royal Caribbean Cruise Lines. Asina e canal di noticia Telemundo di Puerto Rico ta raporta. Ta bisa cu e criatura, un mucha muher, lo a slip sali di e braza di su abuelo, cu tabata den bentana di un aerea recreacional. E abuelo lo a lanta e criatura y despues perde su ‘grip’ riba e mucha. Henter famia tabata ariba e bapor, incluyendo ambos abuelos, y famia di e criatura.  E tata di e criatura ta un agente policial di South Bend na Merca. E bapor crucero en cuestion, ta poni pa bin Aruba otro siman diamars. E articulo ta relata varios otro caso similar unda cu personanan ta ‘perde’ of ‘disparse’ of ‘cai’ di un bapor crucero. Entre nan uno di e caso di Aruba na November di aña pasa ora cu Almarosa Tenorio a cay den laman for di un bapor crucero yegando Aruba.