Sentencia di criminal mas popular di Hulanda, Holleeder ta topico di dia

AMSTERDAM – E siman aki e criminal mas conoci di Hulanda, Willem Holleeder a keda sentencia na bida largo den prison, pa tur cargonan cu el a wordo acusa di dje. Entre nan 5 asesinato. Entre esnan cu el a wordo haya responsabel, ta e morto riba Cor van Hout (2003) y e morto riba Robert ter Haak.  Tambe ta culpa Holleeder di envolvimento di likidacion di Willem Endstra (2004), Kees Houtman (2005), Thomas van der Bijl (2006) y e atentado na  2002 riba John Mieremet y su morto finalmente na 2005. Gran parti di ayudo tabata testimonio di su ruman muhernan Astrid y Sonja, y su ex pareha  Sandra den Hartog. Tur testimonio tabata creibel y como tal admissible como prueba. Ademas Holleeder tabata responsabel pa e secuestro di e magnate Freddy Heineken na 1983 hunto cu su chauffeur, cu a keda libera despues di a paga e rescate di 35 miyon florin Hulandes. Holleeder y su complicenan (varios di nan ta morto awe) a sinta nan castigo pa e crimen ey.