Fundashon Stimami Sterilisami a start su campaña di sterilisacion 2019- 2020

EAGLE BEACH  – E directiva di Fundashon Stimami Sterilisami a anuncia e lanzamento di su programa nobo pa steralisacion pa juli 2019 – juni 2020, durante un conferencia di prensa diabierna merdia. E programa aki a wordo inicia y pa gran parti, financia, door di Bucuti & Tara Beach Resort y ta wordo sostene pa Aruba Tourism Authority y Aruba Tourism Enhancement Fund. E programa aki a ofrece operacionnan di sterilisacion subsidia completamente of parcialmente na organisacionan cu ta rescata animal y na don?onan individual di mascota y asina a logra sterilisa aproximadamente 11000 cacho y pushi crioyo durante 2016-2018.

Fundashon Stimami Sterilisami kier logra reduci e populacion di pushi y cacho door di ofrece subsidio riba operacionan di sterilisacion na Aruba. E prijs di e campan?a tin un recucion di ma?s o menos 50% di e prijs normal di un operacio?n di sterilisacion. E prijs durante e programa pa opera un cacho muhe ta Awg. 150, cacho macho ta Awg. 85, un pushi muhe ta Awg. 80, pushi macho ta Awg. 35. Inclui den e prijs tambe ta, un microchip, e procedura pa coloca e chip y un test simpel di sanger HTC. E cacho y pushinan mester wordo registra online na: www.stimamisterilisami.com y nan mester tin por lo menos 6 luna biew pa hasi e operacion.

Fundashon Stimami Sterilisami ta traha cohuntamente cu organisacionan di rescate, tur veterinarionan y “National Plan” (Problema?tica Kill cage, ley di cacho y cacho riba caya), introduci pa Dr. Irene Croes y Dr. Dellanire Maduro.

“Nos meta ta pa elimina e sufrimento di cacho y pushi y mehora e calidad di bida pa nos residentenan y pa mehora e imagen di nos isla den bista di nos bishitantenan” a wordo bisa door di Ewald Biemans, presidente di e directiva di “Fundashon Stimami Sterilisami” “Bucuti & Tara Beach Resort lo iguala e fondo contribui Florin pa Florin te cu 300,000 pa e anja benidero” “Nos meta ta pa jega por lo menos Awg. 600,00 pa asina por sterilisa 5000 pa 6000 pushi y cacho dentro di un anja y pa continua cu e programa den futuro te dia cu ta necesario” Biemans a agrega.

Aruba Tourism Product Enhancement Fund a bisa di bai contribui cu Afl 125,000, y un sponsor anonimo ta contribui Afl 100,000 na e programa pa e anja 2019.

E directiva di Fundashon Stimami Sterilisami: Ewald Biemans – Presidente

Rik van der Berg – Vise Presidente

Emile de Cuba Jr. – Tesorera

Suzanne van Grinsven – Secretaria Louella Brezovar – Director at Large Yesenia Arends – Director at Large

Veterinarionan participando;

Animal Care Clinic

Animal Health Veterinary Hospital Contreras Veterinary

Veterinary Clinics Aruba

Bishita e website na: www.stimamisterilisami.com pa mas informacion.