Knops: Ta inaceptabel pa cambia supervision financiero na Aruba

Knops: Ta inaceptabel pa cambia supervision financiero na Aruba

Posted on 07/5/2019 3:33 pm AST | Updated on 07/5/2019 3:34 pm AST

DEN HAAG – Rijksministerraad (RMR) ta hopi preocupa cu e plan di Aruba pa duna Den Haag menos poder, ora cu ta trata di finanzas publico. Parlamento di Aruba cu pasando di e amienda den e ley nobo di LAFT a ‘mata’ e colegio di supervision financiero (CAFt) segun secretario di estado Hulandes. “Esey nos no ta haya aceptabel. Pues riba esey nos ta bay papia”.  E spernsa ta cu asina riba termino corto lo no bin un ‘instruccion di Hulanda. Prome cu e cambio di ley por tuma lugar, Gobernador mester firma esaki. Pero asina leu e cuenta lo no yega, segun Knops.”Gobernador sa cu tin un discussion riba esaki den RMR. Pues e lo no firma” segun Knops. Otro siman ta e ultimo siman cu ministernan Hulandes y e representantenan di Caribe lo topa y despues ta bay 6 siman cu reces. Despues e asunto lo por ta riba agenda di RMR, segun Knops

WEVER

Prome minister Wever di Aruba sinembargo ta duna otro impression di e reunion. Segun Wever, debi na su intervencion door di personalmente atende e reunion di RMR diabierna, e por a ‘personalmente coregi e caso’. Segun Wever a declara, esey a yuda pasobra tin trankilidad pa cu e relacion cu Hulanda. Esaki ta contrario na e impression cu Knops a laga atras. Con Hulanda y Aruba lo yega na otro riba e supervision, no ta conoci. Scucha e declaracion di Knops AKI.  

 

Texto Caribisch Netwerk

 

  • Famia Real a saca potret annual di verano na nan cas nobo

    Famia Real a saca potret annual di verano na nan cas nobo

    DEN BOSCH – Manera ta custumber annual, Rey Willem-Alexander, Máxima y nan tres yiu muhernan  Amalia (15), Alexia (14) y Ariane (12) a pose pa prensa saca nan potret di verano. Nan a haci esaki prome biaha na nan cas nobo, esta Huis ten Bosch na unda nan ta biba desde februari di e aña aki. E cas a pasa den un renobacion di 63 miyon euro. E motibo di potret ta pa asina prensa duna e famia Real nan trankilidad pa resto di aña. Dos biaha pa aña nan ta saca un potret familiar asina, esta den verano y durante winter. Princesa Ariana ademas tabatin su ultimo dia di scol basico. Despues di vacacion, e tambe, ta uni cu su otro dos rumanan na e Gymnasio Cristiano Sorghvliet na Den Haag. Potretnan cortesia Bruno Press. 

  • Vierdaagse di Nijmegen a cuminsa cu participacion di Arubianonan

    Vierdaagse di Nijmegen a cuminsa cu participacion di Arubianonan

    NIJMEGEN – E evento internacionalmente popular na Nijmegen, Hulanda, esta e Vierdaagse, a cuminsa diamars cu mas di 40 mil participante. Aruba tin por lo menos 5 persona cu ta participando, y mayoria di nan ta forma parti di cuerpo di douane. Aña pasa tabatin un participante cu a represanta Fundacion Zinnia. Casi 3 mil hende cu a inscribi, finalmente no a aparece, cu ta pone e cantidad di participante na 44.000. Esun mas hoben ta un mucha muher di 11 aña y esun mas bieu ta un homber di 92. No tur hende ta cana e mesun ruta. Ta depende di nan edad, por cana sea 30, 40 of 50 kilometer. Tin tambe 5900 militar cu ta cana hunto. Esnan cu ta cana ‘carga cu material’ ta cana 40 kilometer y no esun maximo di 50. 

  • RMR: Aanwijzing y ayudo mutuo pa yuda Corsou su finanzas

    RMR: Aanwijzing y ayudo mutuo pa yuda Corsou su finanzas

    DEN HAAG – Rijksministerraad diabierna mainta riba sugerencia di secretario di Estado Hulandes Raymond Knops a dicidi pa duna gobierno di Corsou un aanwijzing, osea un instruccion. Asina e oficina di prensa di RMR a informa diabierna mainta. E aanwijzing ta sigui e conseho di CFt cu ultimo añanan a mustra su preocupacion riba e maneho financiero y e forma con ta purba resolve e deficit. Mes momento ta mustra cu Hulanda ta conciente cu sin tempo y sosten, esaki no ta realisabe. Como tal a yega na un acuerdo entre Corsou y Hulanda, riba un asistencia mutuo. Aki a haci palabracion riba con tin cu bay traha hunto pa drecha e situacion financiero. Lesa e comunicado completo AKI.

  • RMR ta duna Corsou aanwijzing y firma acuerdo di crecemento

    RMR ta duna Corsou aanwijzing y firma acuerdo di crecemento

    DEN HAAG –Corsou ta haya un ‘instruccion’ osea aanwijzing. Den un boletin di oficina di gobierno di Corsou, nan ta anticipa riba e informacion di mayan. Nan ta bisa cu alavez lo firma un acuerdo di crecemento. Segun e informacion,  Minister plenipotensiario di Kòrsou, sr. Anthony Begina, ta indica cu a finalisa e topico di instrukshon durante e reunion di Konseho di Minister di Reino (RMR). Ta duna un instrukshon basá riba konseho di Cft, pa e echo ku pa algun aña kaba Kòrou no ta logra kumpli ku e normanan manera kodifiká den e Lei di Reino di supervishon finansiero (Rft). Interesante ta cu e boletin ta sali awe, siendo cu e reunion mester tuma lugar mayan diabierna.. Potret ta saca na november di 2018 durante un encuentro entre premiernan di Corsou y Hulanda. 

  • Menasa di welga na KLM despues cu negosacion CAO a pega

    Menasa di welga na KLM despues cu negosacion CAO a pega

    SCHIPHOL – Tin menasa di welga na e aeroliña KLM despues cu negosacion di CAO a pega. E ocho sindicatonan cu ta representa pilotonan, personal di cabina, tecnico, y esnan cu ta mantene e avion limpi, a cana bay rabia di e mesa di negosacion, segun e portal luchtvaartnieuws. Pa e motibo ey, ta papia di accion pa forza partidonan haya forza na mesa. E sindicatonan kier un aumento drastico di salario, y cu mester comparti di exito financiero di e aeroliña. E aeroliña sinembargo ta mustra cu tin aumento di gasto y e resultadonan a empeora e aña aki. “E recompensa na e personal mester ta den balansa cu loke nos ta haci den KLM” e gerencia a bisa. Si tin un tormenta na caminda segun e aeroliña, mester por anticipa y tuma medida na tempo. Segun e hefe Pieter Elberts a bisa juni, e tabatin confiansa cu partidonan lo a haya otro na mesa.   E sindicatonan ta yama e oferta actual como uno cynico, y inaceptabel.  

  • Gobierno Hulandes ta dicidi diabierna riba prohibicion di vuurwerk pisa

    Gobierno Hulandes ta dicidi diabierna riba prohibicion di vuurwerk pisa

    AMSTERDAM – Ta bin un prohibicion nacional riba consumo di vuurwerk pisa. Segun fuentenan di Den Haag, diabierna gabinete Rutte ta dicidi finalmente riba e posibel prohibicion aki. Ta trata di vuurwerk cu ta cay den e asina yama categoria # 3. Entre nan, ta cay pagara, den varios version. E prohibicion ta nifica cu pa cambio di aña 2020-2021 por usa nan mas. Na Belgica y Alemania esey ta e caso caba.  Di otro banda, e asina yama ‘Onderzoeksraad voor Veiligheid (OVV)’ y polis nacional ta bringando masha tempo pa un prohibicion total pa vuurwerk cu ta zona duro. Hopi victima ta cay tur aña y hasta morto. Pero no ta bay tin un prohibicion total, y partidonan tanto pro y contra a cera un compromiso. Tin tambe un pensamento cu ta netamente e vuurwerk cu ta haci mas daño, no ta esun cu ta wordo prohibi, sino esun robez. 

  • Powered by SETAR