Comediante Jandino Asporaat den NoticiaCla LIVE diadomingo!

Posted on 07/5/2019 10:26 am AST | Updated on 07/5/2019 10:32 am AST

ORANJESTAD – E conocido comediante Jandino Asporaat (38), miho conoci pa su personahe di Judeska y e peliculanan Bon Bini Holland, lo ta invitado den e programa NoticiaCla LIVE diadomingo awor. Jandino ta na Aruba den cuadro di e unico presentacion den Renaissance Convention Center dialuna  8 di juli 2019 di 'Judeska in de TBS-Kliniek'. 

JANDINO

Jandino a nace na CorsouAsporaat y a crece den e barrio di Buena Vista hunto cu su mama y 3 ruman. Na 1992 el a muda pa Rotterdam, Hulanda cu su famia. Despues di a caba su estudio, el a cuminsa traha como pintor, prome cu e la cuminsa cu su carera di comediante na 2002. Fuera di su carera di comediante, e ta tambe un periodista y compositor. Como escritor, el a traha tambe pa e programa ‘Raymann is laat’. Na 2015 e la presenta su pelicula Bon Bini Holland pa cual el a ricibi su premio Golden Film. Y na 2016 el a usa su voz pa e version Hulandes di “The secret life of Pets’. 

E PROGRAMA

Diadomingo pa 8:45pm, moderador Tito Laclé lo tin Jandino Asporaat como invitado den e programa y lo toca un variacion di tema, manera cu e ta haci cu tur invitado. Tur hende ta keda invita pa sintonica e programa diadmingo awor, sin falta riba e pagina di Facebook di NoticiaCla. 

 

 

  • Powered by SETAR