Asesino di Camilo Sosa a haya 11 aña di castigo di prison awe

Asesino di Camilo Sosa a haya 11 aña di castigo di prison awe

Posted on 07/5/2019 9:43 am AST | Updated on 07/5/2019 9:44 am AST

ORANJESTAD – Corte a sentencia e sospechoso R. Paskel na 11 aña di prison awe pa caso di homicidio di Camilo Carreño Sosa, cu ta un aña menos cu Fiscal a pidi durante e caso. 

E CASO

Hues durante tratamento di e caso di asesinato di Camilo Sosa diabierna mainta den corte, a mustra cu dia 2 September 2018, e victima Camilo tabata hunto cu su amigonan riba e parking lot patras di Sand Bar. Camilo a mira Paskel y a bisa su amigonan cu Paskel a horta su auto. El a bay reclama Paskel y nan a bringa. Tres di e amigonan a yuda Camilo bringa contra Paskel. Paskel lo a cay y su t-shirt a kibra. Paskel a lanta y kita su t-shirt. Hues a bisa cu riba imagennan di camera di seguridad Polis a mira con Paskel y e otronan cu tabata hunto Camilo, tabata haci movecion manera ta bay sigui bringa pero nada no a sosode. Hues a bisa cu mirando cu e imagennan ta hororoso e no kier pasa esakinan riba pantaya pa tur hende den sala mira. Fiscal a bisa Hues cu e si kier pa confronta Paskel cu esakinan pero cu lo pasa e imagennan riba laptop di Fiscal dilanti Hues y Paskel lo bay dilanti mesa hunto cu su abogado pa mira esakinan. Hues a sigui bisa cu un rato despues Paskel a bay y Camilo cu dos amigo tabata canando. Diripiente ta mira Paskel ta core bay riba Camilo y tabata haci movecion di hinca  y a core bay. E amigonan a core tras di Paskel y Camilo ta zak den otro.

FISCAL

Fiscal a bisa cu si Paskel a hinca Camilo e momento ey, por papia di defensa propio pasobra tabata 4 contra 1. Pero envez di Paskel bay cas, el a bay pasa na e parking lot. El a sali for di e auto cu un cuchiu y a core bay riba Camilo y a hink’e y core bay. Fiscal a mustra cu den menos cu 5 minuut cu Paskel a cana bay despues di e pelea y a bolbe den pick up y den menos cu 1 minuut a hinca Camilo. Fiscal ta haya cu e periodo di 6 minuut cu a pasa ta masha cortico pa bisa cu Paskel por a pensa promer cu el a bolbe. Fiscal a sigui bisa cu Paskel a bisa Camilo “abo ta bay h… awor”. Fiscal ta haya cu Paskel tabatin intension di mata. El a performa e pulmon y curazon di Camilo.

El a exigi 12 aña di prison. Pa loke ta demanda di M.C., Fiscal ta haya cu no a argument esaki. El a pidi Hues pa rechaza esaki. Fiscal a bisa cu e famia di e victima si a argumenta e gastonan di entiero. Daño inmaterial ta mustra cu e mayornan di e victima tabata bou tratamento pa e perdida di nan yiu. Fiscal a pidi Hues pa aproba e demanda di en total 45 mil florin.  

  • Corte: Sentencia den caso di Lotto ta otro siman

    Corte: Sentencia den caso di Lotto ta otro siman

    ORANJESTAD – Despues di lunanan di espera, Corte di apelacion lo dicta sentencia definitivamente diaranson awor 24 di july 2019 den e caso di directive di Lotto pa deporte. Asina vocero di corte a informa diabierna atardi pa medio di un comunicado. Segun e comunicado, e sentencia ta programa pa keda presenta e diaranson mainta pa 9’or di mainta. E sentencia tin cu determina kico ta pasa cu e directiva di Lotto, esta si nan ta keda sinta of si nan mester bandona nan puesto. 

  • A laga cantante Anthony G. y dama F den libertad den zeden zaak

    A laga cantante Anthony G. y dama F den libertad den zeden zaak

    ORANJESTAD – Conocido cantante y comerciante Anthony G. y e dama F. a wordo poni den libertad diahuebs. Asina vocero di ministerio publico Ann Angela a confirma na prensa diahuebs mes. E ta trata e caso di zeden. Segun Angela, fiscal a dicidi pa laga e homber G. y e muher F. bay liber awe. E investigacion di JZP a rindi insuficente prueba di cualkier hecho castigable cometi pa e personanan aki.

  • Corte: Arubus no por retira chauffeur di bus pa un post di Facebook

    Corte: Arubus no por retira chauffeur di bus pa un post di Facebook

    ORANJESTAD – Corte a ordena e compania nacional di transporte Arubus pa tuma e chauffeur Izaak vd L bek na trabou, y sigui paga su salario for di 3 di mei ultimo y si e compania no cumpli, e compania ta haya un multa diario di 250 florin. Cu esaki, e ta duna e chauffeur rason pa a demanda e doño di trabou, ora cu esaki kier a kita e chauffeur pasobra e lo a pone un mensahe fastioso riba Facebook, ‘treciendo e compania den descredito’ y ademas crea un menasa pa esnan riba caminda. Tur esaki corte a bari for di mesa den un sentencia diahuebs mainta. E caso a haya hopi atencion ya cu e tabata algo basta publico, y a wordo hinca den un bachi politico. Y mirando cu ta trata di red social, e noticia aki a plama di tal indole cu el a bira un noticia hopi lesa. 

  • Tur tres sospechoso den caso Kinikini ta apela nan sentencia

    Tur tres sospechoso den caso Kinikini ta apela nan sentencia

    ORANJESTAD – Tur tres sospechoso den caso di portofoon, conoci como e caso Kinikini, lo apela nan sentencia ricibi dialuna ultimo. Diaranson mainta abogado di e ultimo sospechoso, Kenneth Rasmijn a confirma pa NoticiaCla.com cu su cliente tambe lo apela su sentencia, mescos cu ta e caso cu e otro dos personanan, Nelson ‘Speed’ Andrade y Marko Espinoza. Di e otro dosnan tabata conoci caba di nan apelacion, y awe mainta a confirma esun di Rasmijn. Andrade y Rasmijn a haya castigo di 240 ora di trabou comunitario y Espinoza 180. Ademas Andrade a haya 2 luna di castigo di prison condicional, cu un periodo di prueba. Ta trata e caso unda cu e polis Rasmijn ta acusa di a malversa e portofoon di polis, y e dos otro personanan den nan rol como periodista, a usa e radio asabiendas cu e no ta di nan y a usa e informacion pa suministra na otronan tambe, cu ta contra ley. 

  • Detencion di homber relaciona cu porno infantil, a keda prolonga

    Detencion di homber relaciona cu porno infantil, a keda prolonga

    ORANJESTAD – E homber Malvin L. su detencion a keda prolonga cu 8 dia. Asina vocero di ministerio publico Ann Angela a confirma pa NoticiaCla.com dialuna. Ta trata di un detencion cu a sosode siman pasa pa Recherche Samenwerkings Team relaciona cu porno infantil. E persona aki ta un IT specialist y lo a trace su movicionan di computer y a pasa pa detene, pendiente investigacion. 

  • Detencion di musico/ comerciante pa caso di JZP a keda prolonga

    Detencion di musico/ comerciante pa caso di JZP a keda prolonga

    ORANJESTAD – Ministerio Publico a confirma dialuna cu e  musico y comerciante Anthony G. su detencion a keda prolonga cu 8 dia dialuna.   Segun vocero di OM Ann Angela, e por a confirma solamente cu e ta deteni ‘relaciona cu un caso di Jeugd & Zeden Politie (JZP)’, esta cu ta algo cu mucha menor. Otro medionan ta informa cu ta trata di un caso di posibel abuso. Mientrastanto abogado di G, Vinda de Sousa den otro medio ta desmenti cu su cliente tabata envolvi den algo asina. Intento di e portal aki mes pa comunica cu e abogado, no tabata exitoso ainda. Tabata diasabra cu e persona aki a keda deteni.  

  • Powered by SETAR