Tres pelotero hoben di Aruba a firma cu ekiponan di Grandes Ligas

ORANJESTAD – Tres pelotero di Aruba e siman aki a firma cu ekiponan di Grandes Ligas di Merca. Ta cuadra cu e fecha di diamars riba cual peloteronan prospecto internacional di 16 aña por wordo firma. E tres peloteronan ta Ethan de Cuba (Kansas City Royals), Raibiently Mercalina (Philadelpia Phillies), y Rolando Petronia (Los Angeles Dodgers). Pues e tres peloteronan aki awor ta forma parti di e respectivo ekiponan y dentro di algun aña por mira nan drenta Grandes Ligas, ‘siempre y cuando’ nan progreso ta di tal forma cu nan ta riba nivel, y cu oportunidad aparece cu nan por wordo ‘yama’ pa subi pa e liga mas grandi di mundo. Asina mes caba, por considera e hechonan di firma, como e prome logro, y awor ta keda na e tres peloteronan pa nan demonstra cu nan tin loke tin pa keda y avansa mas ainda. Potretnan cortesia di Sportzone Aruba.